Vil tinga om overtaking av vassverk

27 røysta for og to mot, og éi røyst var blank, ifylgje eit skriv frå vasslaget til Ullensvang kommune.

Årsmøtet valde eit forhandlingsutval på tre personar som skal tinga med kommunen om overtakinga: Olav Håvik, Jan Tore Huus og Jon Steinar Skeie.

Olav Håvik fortel at hovudårsaka til ynsket om overtaking er ansvaret som fylgjer med anlegget. Styret består av fleire eldre personar, og til årsmøtet stilte så få opp at valet ikkje kunne gjennomførast. Difor vart det eit ekstraordinært årsmøte, og her vart altså også kommunal overtaking teken opp. Den same tanken vart avvist i 2020.

Håvik fortel at han hadde møte med kommunen i desember om eit ynske om å få tilskot til drifta eller hjelp til å ta vassprøvar. Det enda etter ein del purring med eit svar om at kommunen ikkje kan gje tilskot til eller tek prøvar for private vassverk, sidan vatn og avløp er eit økonomisk sjølvkostfelt i kommunelommeboka.

Innbyggjarar i Herand har slite med dårleg vatn i mange år, og anlegget vart difor oppgradert for nokre få år sidan. Anlegget har såkalla dobbel UV-reinsing, men er enno er ikkje eit fullreinseanlegg. Håvik ser ikkje på oppgraderinga som skal til for å verta det, som ei aktuell investering for det private laget.

Håvik seier at han håpar på raskare tilbakemelding frå kommunen denne gongen enn i vinter og vår, då det bokstaveleg tala tok vinter og vår å få ei avklaring.