Vil tinga nytt skilt

Stadnamnskiltet for Solesnes som Liv Sollesnes etterlyste nyleg, vil verta erstatta. Det lovar avdeling for infrastruktur og veg i Vestland fylkeskommune i eit brev til Ullensvang kommune.

Fylkeskommunen kjenner ikkje til bakgrunnen for at skiltet ved fylkesveg 550 er fjerna. Saka er meld vidare til driftsavdelinga, som vil tinga nytt skilt.

Eksisterande skiltoppsett er ikkje i samsvar med dagens krav, og nytt skilt vil difor verta plassert nokre meter bak fartsgrenseskiltet, melder fylkeskommunen.