– Vil stramma inn alkoholpolitikken

Det kjem fram i eit innspel frå partiet om dei alkoholpolitiske retningslinene.

Partiet ynskjer mellom anna at ein enkelt skal kunna få løyve, og endå enklare verta straffa om ein bryt regelverket. Såleis føreslår INP at den eksisterande prikkbelastinga skal vidareførast, men i ein noko strengare versjon.

Om ein løyvehavar får så og så mange prikkar, bør straffa vera basert på veka eller månaden med høgast sal, meiner partiet. Vidare bør heradet vera svært kritisk ut frå tidlegare brot når nye søknader vert vurderte, skriv partileiar Bjarte Helland i innspelet.

Med ei slik ordning vil løyvehavarar verta strengare og ikkje bryta regelverket, hevdar partiet. Han hevdar at det gjerne er dei same som bryt skjenkereglane, av di konsekvensane med dagens praksis ikkje samsvarar med brotet.

Retningslinene skal vedtakast før dei eksisterande sals- og skjenkeløyva går ut i september. Fristen for å koma med innspel var 17. april.