– Vil senka farten

Fartsgrensa på den kommunale vegen mellom Kvam Auto og Kvam Kraftverk er i dag 50 kilometer i timen. Heradet vil senka fartsgrensa til 30 kilometer i timen.

Ifylgje teknikar Rune Nordheim i Kvam herad vert vegen brukt til å koma seg til og frå turområde for gåande og syklande, og som skuleveg. Det skriv han i eit høyringsbrev til Statens vegvesen.

Den seinare tida er mykje av skiltinga i området oppdatert, skriv Nordheim. Det er mellom anna sette opp soneskilt med varsel om fartgrense på 30 kilometer i timen i Haugamyrvegen, og Gamle Sandvenvegen er vedteken som gang- og sykkelveg.