Vil prøva prøvefiskelukka
Jondal Jakt- og Fiskelag har fått løyve til eit avgrensa prøve- og kontrollfiske i Jondalselva i august og september.
Publisert
Planen er å fiska frå den nedste hølen i elva til Haugafossen, opplyser Øyvind Eide på vegner av søkjaren. Bakgrunnen for tiltaket er fangst av oppdrettslaks i Opo i Sørfjorden.
Statsforvaltaren gav løyvet 19. juli. Det gjeld ut september og rommar ei rekkje vilkår. Sjøaure og villaks skal sleppast fri, medan oppdrettslaks skal gjerast ende på.
