Erik Midtrød ynskjer å overta bruket til Kjellaug Gravdal i Gravdal. Tysdag 20. september drøftar planutvalet ein søknad om konsesjon for overtakinga av gard nummer 146/3. Bruket vert i dag drive av ein granne. Midtrød planlegg å driva det sjølv og nytta jaktrettane som høyrer med.
Rådmannen tilrår dei folkevalde å gje konsesjon for overtaking av i alt 1.267 mål. Det føreslegne vilkåret er at kjøparen buset seg på garden. Den avtala prisen er 3,1 millionar kroner. Taksten var 3,65 millionar. Rådmannen meiner prisen er fornuftig og at kjøparen er skikka til å driva eigedomen.
