Erko Seafood ynskjer mellombels å lagra eit oppdrettsanlegg ved Gangdal i Jondal i tre månader. Årsaka er at anlegget på lokaliteten Kysnes skal skiftast ut i vår. Det gamle anlegget skal hoggast opp på Hanøytangen, men det kan ikkje leverast der før i februar eller mars. Dermed treng oppdrettaren ein stad å lagra det medan det nye anlegget vert fortøydd.
I ein søknad til kommunen ber verksemda om å få lagra anlegget ved Gangdal i tre månader fram til 6. april. Planen er likevel at det skal koma på rett plass i februar eller mars.
