– Vil ha hjelp til å finna den rette
Kvam herad ynskjer hjelp frå konsulentar til å finna ny teknisk sjef.
Publisert
Sist oppdatert
Stillinga vart ledig etter at Lars Ese Ur i vår sa seg opp etter ti år i heradet, og byrja i ny jobb i haust.
Kvam herad ynskjer at rekruttering startar og vert gjennomført så raskt som mogeleg, skriv heradet i konkurransegrunnlaget som er publisert.
Annonse
Stillinga som teknisk sjef inngår i rådmannen si leiargruppe. Ansvarsområdet dekkjer heile det tekniske fagfeltet i heradet: forvalting, drift og vedlikehald av kommunale bygg, kommunalteknikk (veg, vatn, avløp, park og anlegg), reinhald, og brann- og redningstenesta.
Nils Eivind Stranden, tidlegare leiar for kommunalteknikk, er konstituert som teknisk sjef fram til nyttår.
Sluttdato for konkurransen var 2. desember. Innkjøpar Mette Hereid Aalvik i Kvam herad opplyser til HF at to tilbod kom inn.
