Vil godkjenna ny bryggje

I alle fall meiner rådmannen i Kvam at det er grunn til å dispensera frå reguleringsplanen for bryggja med 13 båtplassar på gard nummer 145/1, eit stykke sør for Mundheim – eller på Omastrand, som rådmannen kallar lokaliseringa i sakspapira.

Ho påpeikar at bryggja, som vert 45 meter lang, vil sikra lemene i Hillersvika hyttelag betre tilkome til sjøen og ein trygg båtplass. Tiltaket skal erstatta ei av to gamle, regulerte flytebryggjer. Den nye er fem meter lengre og er vinkla annleis enn den gamle.

Planutvalet avgjer saka tysdag 8. mai.