See The Fjords AS har søkt om 150.000 kroner frå det kommunale næringsfondet til bygging av ei utleigehytte i eit hyttefelt ved Kysnesstrand. Føretaket til Svein Kaptein Hovden driv båtturisme, men ynskjer fleire bein å stå og vonar å kunna tilby turistar mogelegheit for både tak over hovudet og fiske frå båt.
Den samla kostnaden med tiltaket er kalkulert til vel 2,9 millionar kroner. Vona er å få årlege leigeinntekter på 170.000 i 2025, aukande til 250.000 i 2028.
