Vil bruka massar til gang- og sykkelveg
Ordføraren meiner massane frå den ynskte tunnelen mellom «pollane» bør hamna i Jondal.
Publisert
Nærare bestemt bør dei nyttast til bygging av gang- og sykkelveg mellom Sætveithagen og Jondal sentrum.
Det skriv Roald Aga Haug (Ap) i eit utspel sendt til fylkeskommunen. Han ber om at ein plan for bruk av massane vert laga.
Annonse
– Skulle det vera andre massar tilgjengelege lokalt tidlegare, kan ein sjølvsagt nytta desse til bygging av gang- og sykkelveg. Me ynskjer naturlegvis ei raskast mogleg utbetring. Til dømes er det betydelege massar att etter Jondalstunnelen som ligg endå nærare, skriv Haug.
I formannskapsmøtet torsdag rosa Lajla-Margrethe Lindskog-Lund (Sp) ordføraren for å fylgja opp eit initiativ frå Sp raskt.
– Det er strålande, sa ho.
