Turistbåten startar i Norheimsund og går til Eidfjord, og er eit vanleg sommarsyn i Kvam. No kan det vera over og ut.
Sigbjørn Linga
Vil avslutta båtrute
Billettakstane må auka med 50–60 prosent for å få så store inntekter at ruta kan drivast med det reduserte tilskotet på to millionar kroner som dei folkevalde vedtok i 2025-budsjettet.
Med vedtaket fylgde ein instruks om å kompensera for det reduserte tilskotet med auka billettprisar. Det viser seg no at dei fokevalde kan ha vore litt vel optimistiske.
Ein slik auke er i praksis umogeleg, opplyser fylkesdirektøren i eit saksframlegg til hovudutval for samferdsle og mobilitet i Vestland fylkeskommune 12. februar. Han føreslår difor å avslutta kontrakten med Norled to år før tida og betala seg ut for å realisera budsjettvedtaket. Det vil kosta 580.000 kroner, etter avtale med Norled, ifylgje sakspapira.
