Vil at bussen stoggar
På Belsnes er det ingen busstopp for dei som skal reisa i retning Odda.
Det skriv Svein Hovden i eit brev til Ullensvang kommune. Han påpeikar at det er mange hus og fritidsbustader som dermed vert utan eit busstilbod mot kommunesenteret i Odda.
Når bussen stoggar på Belsnes på veg til Odda, skjer det i eit vegkryss. Hovden meiner at dette ikkje er godt nok og at eit busstopp må på plass for å betra tryggleiken til dei reisande.
