Vestlandet får Noregs største lakseoppdrett på land
Selskapet Bue Salmon har fått innvilga ein konsesjon på 50.000 tonn laks i landbasert oppdrett på Lutelandet i Fjaler kommune i Vestland. No er det fleire selskap som vil ut av sjøen.
– Dette er ein stor dag for oss, seier Knut Eikeland, dagleg leiar i Bue Salmon i eit intervju med NRK.
Det nye prosjektet vil svare til ein sjuandedel av all lakseoppdrett som skjer i sjøen i Vestland fylke i dag.
Artikkelen held fram under annonsen.
– Det er eit enormt stort volum og er eit langsiktig prosjekt for oss, seier Eikeland.
Ein stor grunn til landrevolusjonen er dei mange miljøutfordringane som trugar villaksen, deriblant rømd oppdrettslaks og lakselus. Det er to variablar ein fjernar ved å la laksen symje i store tankar på land.
Ei kartlegging gjort av NRK viser at 29 oppdrettsselskap har etablert eller kjem til å etablere seg på land i nær framtid.
Totalt er det delt ut konsesjonar på over 300.000 tonn fisk i oppdrett på land i Noreg, viser tal frå Fiskeridirektoratet.
(©NPK)
