Verft firedobla omsetninga i fjor

Årsresultatet, resultatet etter skatt, var 8,8 millionar. Året før var resultata negative og høvesvis 5,4 og 5,7 millionar kroner.

Driftsinntektene i 2021 var 181,8 millionar kroner, vel ei firedobling frå 42,3 millionar året før. Ved årsskiftet var 35 tilsette i selskapet.

Aktiviteten har vore jamt god, med ombygging av fartøy som det viktigaste beinet å stå på. I juni byrja bygginga av verdas fyrste heilelektriske snøggbåt, «Medstraum». Denne skal leverast til Kolumbus i 2. kvartal i år. Aktiviteten i fyrste kvartal i år har såleis vore høg. Verftet held fram med å utvikla skipsdesign for elektriske ferjer og snøggbåtar, ifylgje årsrapporten.