Veg opnar tidlegast torsdag
Arbeidet med å rydda opp skredet starta måndag ettermiddag, men vegen opnar tidlegast torsdag.
Ifylgje Statens vegvesen vert det teke ei ny vurdering att torsdag klokka 16.00.
Geolog Håvard Fremgaard Fiksen i Vestland fylkeskommune opplyser at det vart spylt ned ein del massar frå fjellsida i går, og gjort tiltak for å sikra arbeidet med oppryddinga før det vart mørkt.
Oppryddinga vart sett i verk nokså kjapt, då Jordalen Entreprenør AS allereie gjer vegarbeid i nærleiken. Entreprenøren fekk mellom anna sprengt den største av steinane som kom ned.
– Det var fint at me fekk byrja allereie i går. Det er meldt opp mot 50 millimeter nedbør seinare i veka, fortel Fiksen.
Ifylgje han vil ryddinga halda fram til om lag klokka 17 tysdag. Vidare er planen at entreprenøren skal halda fram med rydding til nedbøren kjem onsdag. Då vert opning vurdert igjen.
