Veg i Kvam stengd etter steinsprang

Årsaka er steinsprang, melde Vegtrafikksentralen vest klokka 05.52.

Trafikkoperatør Ken Ove Holm opplyser til HF at det har falle ein relativt stor stein, vurdert av driftsentreprenøren til å vera eit par hundre kilo tung, ned på vegen. Steinen vart delvis knust.

Geolog Håvard F. Fiksen i Vestland fylkeskommune var på staden for å vurdera situasjonen om lag klokka 08.20. Samstundes kom ein hjulgravar for å rydda vegen, som ville verta opna så snart som mogeleg. Klokka 08.47 melde Vegtrafikksentralen vest at vegen var open for fri ferdsle.