Vart møtt av trist syn

Signe Holst-Larsen og Dan Børve, som begge er medlemer av arrangementskomiteen for Bygdapride, brukte laurdagen til å hengja opp prideflagg og banner før Bygdapride denne veka.

– Me brukte heile dagen og var ikkje ferdige før midnatt. Neste føremiddag var mykje av det me hadde hengt. opp røska ned, fortel Holst-Larsen.

Kor mange flagg dei hengde opp og kor mange som vart rivne ned, er ho usikker på. Flagga var festa med bunteband av plast.

Ein del av del av det som vart rive ned, er no hengt opp att.

– Me har fiksa på noko, men ikkje alt. Det hadde me ikkje kapasitet til, seier ho.

Holst-Larsen vil ikkje spekulera i kven som står bak hærverket eller kva som ligg bak det. Hærverket er meldt til politiet.