Varmt og vått
Temperaturane var litt høgare enn normalen i Kvam og Jondal i februar.
Publisert
Tal frå Meteorologisk institutt si nettside seklima.met.no fortel at februar var litt varmare enn normalen for perioden 1991 til 2020.
Målestasjonen på skisenteret på Folgefonna registrerte ein middeltemperatur på -4,6 grader. Det er 1,1 grader over normalen.
Annonse
På Kvamsøy var middeltemperaturen 2 grader. Det er 0,6 grader høgare enn vanleg.
På Jonshøgdi på Kvamskogen var middeltemperaturen -1,1 grader, som er 1 grad over normalen.
På Kvamsøy fall 241,7 millimeter med nedbør, noko som er 120,9 prosent av normalen. På Jonshøgdi var nedbørsmengda 356 millimeter, eller 128,5 prosent av normalen.
Statistikken inneheld ikkje informasjon om nedbør på Folgefonna, men i Øvre Krossdalen fall 226,9 millimeter nedbør. Det er 118,2 prosent av normalen.
