Valde ny leverandør

Det opplyser rådmann Ole-Jørgen Jondahl i ei pressemelding. Ifylgje han deltok Visma, som er leverandør i dag, og Aidn i den siste forhandlingsrunden. I samråd med Innkjøpskontoret vart sistnemnde altså valt.

– Prosessen har vore prega av nøye vurderingar og dialog med fleire aktørar, og valet av AIDN vart gjort på bakgrunn av både funksjonalitet, brukartilpassing og teknologisk innovasjon, skriv rådmannen.

Han trur det nye systemet vil gje dei tilsette høve til å bruka meir tid på menneske enn framføre skjermen, betra ressursbruken, letta arbeidsmengda, gje ei meir saumlaus brukaroppleving og betra kvaliteten på helse- og omsorgstenestene. Målet er ein smidig og rask overgang til det nye systemet.