Vaksinar gjekk i bosset
Ved ein feil gjekk fleire dosar i boset på legevakta.
Publisert
Sist oppdatert
Ein gong i april månad vart tre glas med vaksinar ståande for lenge i romtemperatur på legevakta. Dette førte til at minst 15 dosar måtte kasserast.
— Dei stod i eit kjøleskap på legevakta, og ved ein feil hamna dei utanfor kjøleskapet på ei travel vakt. Det vart fyrst oppdaga morgonen etter, opplyser informasjonsrådgjevar i Kvam herad, Øyvind Strømmen.
Annonse
For å unngå at det same skal skje igjen, vert vaksineboksane no merkte tydelegare. Vaksinane var tiltenkte helsepersonell, og gjorde til at helsepersonellet måtte venta noko lenger på vaksinen.
Comirnaty-vaksinane kan lagrast uopna i fem døger mellom to til åtte grader, og inntil to timar i romtemperatur. Etter at kommunen får vaksinane, vil dei kunna nyttast i tre til fem døger.
