Uventa gåve til hus
Oma Indremisjon har gjeve 75.000 kroner Strandebarm sokneråd. Pengane stammar frå salet av ei tomt til Fjellstrand AS.
Publisert
Sist oppdatert
Det opplyser kyrkjeverje Olav Skeie Lid i ei melding til møtet i det kyrkjelege fellesrådet i Øystese kyrkje onsdag 20. mars. Gåva er øyremerkt til kyrkjelydshuset.
Pengane kan koma vel med, for i ei anna melding til møtet gjer Lid merksam på at eit golv i huset flassar «så syrgjeleg», berre ti år etter at huset vart reist. Vel å merka ser saka ut til å løysa seg utan store kostnader. Ein golvleggjar skal slipa golvet og leggja på ny voks.
