Unge tok over KRIK-roret

Før var det foreldra deira som dreiv tilbodet, men no har Nora Augestad, Otilie Bjelland Sætrenes, Kristina Sangolt, Vegard Sangolt og Frede Gravdal teke over rollene.

KRIK står for «kristen idrettskontakt». Det er ein organisasjon som driv med aktivitetar samtidig som han ynskjer å fortelja om Jesus. Organisasjonen vart starta i 1981 av Kjell Markset. KRIK har lokallag i store delar og Noreg og arrangerer kristne idrettsleirar.

KRIK har aktivitetar i idrettshallen i Norheimsund fredagar. Leiarane fortel at dei plar velja aktivitetar når dei er i hallen. Den fredagen HF var med, vart det fotball. Midt i treninga plar det å vera ein pause der det vert halde ein liten andakt. Dei seier at det ikkje er høg terskel for å delta på andakt eller aktivitetane. Leiarane seier at det er plass til fleire og at alle kan koma som dei er.

Journalistane er mediefagelevar ved Framnes Kristne Vidaregåande Skule. Teksten er skriven som del av undervisinga. Red.