– Ungdommar bør bade i lag
Ingen tenåringar skal bade aleine. Ver minst tre-fire stykk i lag, er rådet frå Redningsselskapet.
Fleire stader går no debatten om bading og aldersgrenser. Når er det trygt å sleppe ungane av garde på eiga hand – utan at foreldra følgjer med?
– For ungdom i 13-14-årsalderen er det vanleg at dei reiser og badar aleine. Det skal dei få lov til, for det er ein fin aktivitet, seier Eigil Andersen i Redningsselskapet til NRK.
Artikkelen held fram under annonsen.
Han er likevel klar på at bading er «ein saman-aktivitet», og ikkje ein aleine-aktivitet.
– Ver minimum tre-fire stykk, for viss uhellet skulle vere ute, så kan ein hente hjelp og dei andre kan drive kamerat-redding. I tillegg bør foreldra sørgje for å lære ungane grunnleggjande livredding, seier han.
Fagansvarleg for symjing i Førde Idrettslag og instruktør for Open Water svømming støtter han:
– Sjølv om ein er symjedyktig, så kan alle få problem ute i vatnet. Det er ingen formelle aldersgrenser for å bade aleine, men alle bør likevel sørgje for at dei har nokon med seg, seier Øystein Erland.
(©NPK)
