Linea Storli Håvik frå Jondal får fritak frå vervet i Ullensvang ungdomsråd til og med 2025. Det vedtok kommunestyret samrøystes onsdag 18. september.
Grunngjevinga for søknaden er at det er vanskeleg å kombinera vervet med vidaregåande skule i Kvam. Rådmannen og kommunestyret meiner at ho stettar krava til fritak.
Annonse
Endringa inneber at fyrste varamedlem ved Jondal skule, Andreas Lundal Njåstad, rykkjer opp til fast plass, og at skulen må velja ein ny varamedlem for framleis å ha to slike.
