Ugler i Mosen AS er konkurs
Det vart hit, men ikkje lenger for butikken i Grova.
– Me er takknemlege for all støtta me har fått sidan oppstart. Det er med tungt hjarta me må fortelja at butikken er konkurs.
Det opplyste verksemda i sosiale medium torsdag 9. november. Verksemda skriv at det har vore ei tøff reise sidan starten, og at auka brukthandel og trongare økonomi hjå folk har merkast.
Bustyrar Odd Valland Bovim opplyser at varelageret skal seljast, men at det er for tidleg å seia om det vert opphøyrssal. Konkursbuet har fire veker på seg til å bestemma om det vil overta leigeavtalen om lokala. Det vert normalt sett ikkje gjort, opplyser han. Konkurssaka kjem opp i tingretten 16. januar.
Ugler i Mosen hadde i fjor ei omsetning på 3,5 millionar kroner, mot 4,5 millionar kroner året før. Årsresultatet var minus 71.000 kroner. Det vart teke ut eit ordinært utbyte på 280.000 kroner i 2022.
Les også:
