Det vart skipa til felles oppvarming.

Trimma for ei god sak

Mellom 80 og 100 personar gjekk eller sprang i Rosa sløyfe-løpet i Norheimsund torsdag kveld.

Ragnhild Økland Børven
Publisert Sist oppdatert

Både to- og firbeinte møtte opp og gjennomførte løypa på anten tre eller seks kilometer. Løpet vart arrangert av Hardanger Trening AS for fjerde gong.

Rosa sløyfe-aksjonen vert markert kvart år i oktober verda over. I Noreg er det Brystkreftforeningen og Kreftforeningen som står bak aksjonen. Inntektene går til å forska på brystkreft.

«Gje aldri opp», oppmoda Marit Rogde. Her med kollega Jane Larsen og lydansvarleg Adrian Kåreid.

Rett over 30.000 kroner vart samla inn torsdag. Det opplyser Anette Tyssebotn, assisterande senterleiar og personleg trenar.

– Me er stolte av og glade for at så mange små og store deltok på løpet i år. Det var fantastisk energi og godt humør på alle, seier ho.

Både to- og firbeinte var pynta i rosa.
trim og trening sjukdom nyhende norheimsund medisin og helse hardanger trening as frivillighet fritid
Laga med Labrador CMS