– Treng kraftigare nett
Ullensvang kommune bør søkja fylkeskommunen om pengar til å byggja ut breiband til Hammaren ved Kysnesstrand.
Publisert
Det ber fleire busette på Hammaren om i eit brev til kommunen.
Fylkeskommunen lyser ut pengar til utbygging av breiband i fylket. Kommunane kan søkja om tilskot til område der det ikkje er kommersielt lønsamt å byggja ut. I 2023 har fylket 33,5 millionar kroner tilgjengelege for tildeling.
Annonse
Prosjekt som kan få stønad under ordninga, er utbygging i område som manglar tilbod om breiband på 100 megabits per sekund eller høgare.
På Hammaren er det i dag trådlaust breiband, med kapasitet opp til 50 megabits per sekund. Dette kan opplevast for lite, og nettet er til tider ustabilt. Det er bygt fibersamband eit stykke ut over Kysnesstrand, men ikkje til Hammaren, opplyser innbyggjarane.
Søknadsfristen er 28. april.
