– Treng ikkje løyve til sand
Grendeutvalet i Ålvik og Ytre Ålvik treng ikkje løyve etter ureiningslova til å leggja ut skjelsand i Tyrvefjøra.
Publisert
Sist oppdatert
Det avgjorde Statsforvaltaren i juni, etter at utvalet hadde søkt om løyve til å leggja sand i eit 25 meter breitt felt ved moloen.
Statsforvaltaren meiner at risikoen for ureining og negativ verknad for marint liv er liten. Det er såleis godt nok at Kvam herad avklarar tiltaket etter plan- og bygningslova.
Annonse
Den prosessen er ikkje sluttført. Rådmannen sende før sommaren utvalet eit utkast til avtale mellom utvalet og Kvam herad som grunneigar. Avtalen gjeld både skjelsand og bygging av ein gangveg for rullestolar ned til sjøen. Sidan har det ikkje skjedd meir i arkivsaka.
