– Treng å bli oppdaga av fleire
Hardangerbadet AS ber om meir kommunal hjelp til å marknadsføra seg.
Selskapet har tidlegare fått stønad frå kraftfondet til føremålet. No ber selskapet om i alt 210.000 kommunale fondskroner i år og neste år. Sjølv vil verksemda yta 150.000.
– Me har gjester frå kvammabygdene og heile regionen rundt oss, men me ynskjer oss mange fleire. Ved å nytta strategisk plassert marknadsføring, både digital og tradisjonell, vil me nå ut til fleire i regionen vår. Hardangerbadet treng midlar til å nå ut, både åleine og saman med andre aktørar i bygda. Me treng å spissa kompetansen og verta flinkare til å halda kontinuitet i det digitale arbeidet vårt, skriv selskapet i søknaden.
Mellom tiltaka er annonsekampanjar, skilt, plakatar, brosjyrar, kompetanseheving i digital kommunikasjon og kjøp av leiker og utstyr. Innkjøp av SUP-brett til utleige utandørs og seinare kurs og trening skjer alt i juni, ifylgje søknaden.
Les også:
