Trekkjer stønad til anlegg i Herand

Det opplyser fylkeskommunen i eit svar på søknaden frå laget.

Pengane skulle gå til å halda anlegget kring båthamna i Herand i stand. Det er i dag eit offentleg friområde og rasteplass.

Ein tidlegare avtale om investering og drift vart inngått i 1997 i eit samarbeid mellom fylket, Statens vegvesen og lokale aktørar. Avtalen vara i 25 år. Fylkeskommunen opplyser at det ikkje er aktuelt å inngå ein ny driftsavtale eller løyva meir pengar til Herand Båtlag.

Pengar til toalett og rasteplassar ligg i driftsbudsjettet for fylkesvegar. Desse er avgrensa og går i hovudsak til fasilitetar som fylkeskommunen sjølv har ansvar for, til dømes Hereiane rasteplass, skriv fylkeskommunen.