Tre smitta på Voss

Det melder kommunen fredag.

Tre personar i Voss herad fekk stadfesta smitte med koronaviruset torsdag kveld. Dei tre har lette eller ingen symptom.

To av tilfella kan knytast til eit besøk av eit familiemedlem frå Austlandet. Det er inga kopling til utbrotet i Nordre Follo. Dei to er allereie i karantene, og dei positive resultata fører ikkje til ytterlegare smittesporing, skriv heradet.

Det tredje tilfellet er knytt til jobbreise i offshorenæringa.