Tre nye er smitta
Tre personar i Ullensvang kommune har fått påvist koronaviruset onsdag. Tilsette og born i Jondal skule og barnehage er ute av ventekarantene.
Det skriv ordførar Roald Aga Haug i ei pressemelding onsdag ettermiddag.
Éin av personane har ukjend smitteveg.
Artikkelen held fram under annonsen.
Det er dermed 15 personar i åtte klynger eller husstandar som har fått påvist smitte i dette utbrotet. Tre personar har gått ut av isolasjon onsdag.
Les også: Innførte strengare tiltak
Éin person har fått påvist den britiske varianten av viruset, men ein reknar med at det gjeld alle tilfella i dette utbrotet.
Om lag 290 personar er no i karantene. Seks har gått ut av karantene onsdag.
Ventekarantene er oppheva for personar tilknytte Jondal skule, Jondal barnehage og Hestavoll barnehage
Kommunen ventar framleis på nokre prøvesvar i samband med smitten på rutebussen mellom Kinsarvik og Odda. Det er venta ei avklaring tidlegast i morgon.
