Tre nye smitta
Kvam herad melder om tre nye tilfelle tysdag føremiddag.
To elevar og ein tilsett ved Øystese skule har fått påvist smitte av covid-19, melder informasjonsrådgivar Øyvind Strømmen.
Alle tre sat allereie i karantene. Ytterlegare smittesporing er sett i gang.
Artikkelen held fram under annonsen.
Dermed har totalt 19 personar fått påvist smitte sidan 30. januar. 13 av tilfella er påviste å vera av den britiske virusvarianten, men ein reknar med at alle tilfella er det, opplyste ordførar Torgeir Næss til heradsstyret i går.
