Stoppa midt i trafikken
Ein semitrailer havarerte og sperra eitt køyrefelt i Steinsdalen torsdag kveld.
Bilen stoppa på fylkesveg 49, nær avkøyrsla til parkeringsplassen nedom Steinsdalsfossen. Han kunne såleis koma brått på dei som kom vestfrå rundt ein sving, åtvara Vegtrafikksentralen vest i ei melding klokka 19.04.
Ettert kvart kom politiet til staden for å dirigera trafikken. Der stod dei enno då HF var innom staden kring klokka 21, ifylgje politioverbetjent Per Gunnar Thrane. Politiet venta då på ei løysing frå Bergen.
Artikkelen held fram under annonsen.
Politibetjent Sara Sandven Oma ved Kvam politistasjon fortel måndag at lastebilen stansa på grunn av motorhavari. Sjåføren sette ut ein varseltrekant, men denne vart først plassert på ein lite eigna stad. Forbipasserande hjelpte sjåføren med å flytta trekanten til den litt meir logiske staden før svingen.
Politiet vart kalla ut om lag klokka 19.30 og byrja dirigera trafikken klokka 19.50. Lastebilen vart fjerna klokka 23.40, fortel Oma.
