Trafikkulukke i Tørvikbygd

Det skreiv 110 Vest på X litt før klokka 19.00.

Ulukka skjedde på det smale partiet kalla Huaberget, mellom Eidesvågen og Eidesvatnet, rett vest for avkøyrsla til Eide. Kvam brann og redning og politiet rykte ut.

Innsatsleiar Per Gunnar Thrane i Kvam, Samnanger og Tysnes politistasjonsdistrikt opplyser at personbilen og ein større bil møttest. Då føraren av personbilen la seg ut i grøfta for å koma forbi, kom han borti med sida av bilen og tippa. Politiet mistenkjer ikkje køyring i rusa tilstand, opplyser Thrane.

Det vart ein mindre lekkasje frå køyretøyet etter hendinga. Førarane av båe køyretøya kom uskadde frå ulukka.

Det var redusert framkome på staden ei tid etter hendinga. Då bilberginga gjekk føre seg, var vegen heilt stengd.