Trafikkulukke i Kvam

Ein bil køyrde i grøfta. Føraren var ute av bilen, men ein arm var fastklemd, opplyste operasjonsleiar Steinar Hausvik i Vest politidistrikt klokka 10.41. Meldinga kom til politiet klokka 10.34.

Klokka 10.56 var personen frigjord og fekk tilsyn av helsepersonell.

HF har snakka med Martin Eide, som var vitne til ulukka. Han seier at bilføraren ikkje lukkast med å koma opp ein bakke. Då føraren gjekk ut av bilen, byrja bilen å skli og trefte vedkomande.

Det var svært glatt på staden. Også ein ambulanse hamna med eit hjul i grøfta. Ein annan ambulanse kom til staden og tok seg av bilføraren.

Bilføraren vart frakta til kontroll på legevakta, opplyser politiet.