Trafikkulukke i Jondal
Natt til laurdag rykte naudetatane ut til ei trafikkulukke i Solesnesvegen i Jondal.
Det opplyste 110 Vest på X klokka 00.16. Ein personbil hadde køyrt av vegen. Det var store materielle skadar, og airbagar vart utløyste, ifylgje meldinga.
Operasjonsleiar Frode Kolltveit i Vest politidistrikt opplyste i politiloggen klokka 00.22 at bilen skal ha vore ute i grøfta, for så å ha hamna tilbake i vegbana. Ifylgje meldinga var dei to involverte vakne og medvitne, men båe opplyste om ulike smerter.
Artikkelen held fram under annonsen.
– Begge involverte vert tekne med til sjukehuset i Odda i ambulanse. Ingen mistanke om rus, skreiv Kolltveit i ei oppdatering klokka 01.25.
Føraren var ein 18 år gamal mann. Passasjeren var ein 15 år gamal gut. Føraren fekk førarkortet kverrsett.
