Trafikkulukke ved Mundheim
Ein bil køyrde av fylkesveg 48 ved Kvitelva mellom Mundheim og Gravdal i Kvam fredag ettermiddag.
Det var berre éin person i bilen. Vedkomande var vaken og medviten etter hendinga.
Meldinga kom klokka 14.04. Naudetatane rykte ut, opplyste Vest politidistrikt i Politiloggen klokka 14.09.
Artikkelen held fram under annonsen.
Vegen vart delvis stengd etter ulukka. Bilbergar vart varsla om hendinga, ifylgje politiet. Klokka 14.46 melde politiet at alle naudetatar var komne fram, og at vegen ville verta stengd til bilbergaren kom til staden.
Klokka 14.59 var bilen fjerna frå vegbanen og eitt køyrefelt opna, og klokka 15.07 var naudetatane ferdige. Då var entreprenøren på veg for å strø og skilta i samband med oljesøl frå ulukkesbilen.
Vegtrafikksentralen vest opplyste om at ulukka hende ved Kvitelva, som ligg mellom Mundheim og Furhovda.
Bergens Tidende siterer operasjonsleiar Ole Ronny Olsen på at føraren er i 30-åra, og at det var store materielle skadar etter kollisjonen. Politiet opplyser at det vert oppretta sak.
