Tokagjelet inga hastesak

Kommunedelplanen for Tokagjelet vert ikkje handsama i eit ekstramøte i sommar, opplyser ordførar Torgeir Næss (Ap). Eit slikt møte har tidlegare vore nemnt som ei mogelegheit, men vert altså ikkje noko av.

Framlegget til kommunedelplan vart presentert for politikarane 16. juni og offentleggjort kort tid etterpå. I det nye framlegget står berre to tunnelalternativ att, og ingen av dei inneber ein flat tunnel. Det store spørsmålet er kvar pengane skal hentast, og Næss slår fast at partia har ein stor lobbyjobb i vente.