To nye er smitta
To nye positive prøvesvar vart mottekne seint måndag kveld, melder Ullensvang kommune.
Dermed er i alt 11 smitta dei siste dagane. Båe dei ferske tilfella er knytte til utbrotet i helga, opplyser ordførar Roald Aga Haug i ei pressemelding.
– Risikoen for at smitten kan har spreidd seg ytterlegare, er stor, opplyser Haug.
Artikkelen held fram under annonsen.
Det eine tilfellet er knytt til smitte på ein rutebuss frå Odda til Kinsarvik. Vedkomande har vore i ventekarantene, og går no over i ordinær karantene.
Alle som tok bussen frå Odda til Kinsarvik klokka 07.20, og motsett veg klokka 14.00 frå Kinsarvik, måndag til fredag i førre veke, må gå i karantene og melda seg til testing. Kommunen har enno ikkje oversyn over alle passasjerane, som skal i karantene, ifylgje Haug. Husstandsmedlemene til passasjerane skal vera i ventekarantene.
Utbrotet stammar frå ein vaksen person frå Haugalandet.
Kommunen oppmodar alle om å retta seg etter smittevernreglane.
