— Mista kontroll i ein sving
To bilar var innblanda i ei trafikkulukke ved Gangdal i Jondal sundag.
Det melde Vest politidistrikt på Twitter.
Klokka 17.40 vart politiet varsla om ulukka på Kysnesvegen, fylkesveg 4099, og naudetatane rykte ut.
Artikkelen held fram under annonsen.
Politibetjent Simen Aase ved Hardanger politistasjon opplyser at vegen skal ha vore glatt på staden. Føraren av den eine bilen skal ha mista kontrollen i ein sving og treft fjellveggen, før han til sist hamna på vegen att. Han skal deretter ha vorte påkøyrd bakfrå av ein annan bil.
Ei kvinne i 20-åra og ein mann og ei kvinne i 40-åra var involverte i ulukka. Det var ikkje meldt om alvorlege personskadar, men ein person vart frakta med ambulanse til kontroll på legevakta, fortel Aase.
