Tiltala for tjuveri og skadeverk

Ein mannleg kvemming må møta i Hardanger tingrett i desember, tiltala for fleire innbrot. Ifølgje tiltaleavgjerda skal han ha brote seg inn i og stole pengar i ein frisørsalong i Norheimsund i oktober i fjor, brote seg inn i ein brakkerigg og stole verktøy frå ein byggmeister i Norheimsund, og brote seg inn i ein elektrobutikk og stole ymse gjenstandar i Øystese. Mannen er i tillegg tiltala for skadeverk i samband med innbrota og for å ha hatt hasj ved to høve.