Tildelte heider og ære

Dei to er Kaia Gulbrandsen frå Herand og Haldor Hauge frå Jondal, skriv Hardanger Folkeblad.

Gulbrandsen har engasjert seg i stort og smått i bygda gjennom Herand Bygdelag. Ho delte heideren med andre frivillige i bygda.

– Du er godt kjend i Herand og elles som henne som alltid er positiv til frivillig arbeid. Du vert faktisk skildra som ein av dei mest positive og engasjerte frivillige som finst, sa ordførar Roald Aga Haug (Ap) då han las grunngjevinga, skriv oddabladet.

Hauge har engasjert seg mellom anna i Jondal idrettslag og Jondal Bridgeklubb.

– Du er heilt unik i høve til å aktivisera og inspirera ungdomar. På eige initiativ har du søkt om treningstid i den nye idrettshallen, og starta volleyballtrening for ungdom og vaksne, sa ordføraren.

– Me har jo fått ein fin idrettshall i Jondal, og han må me bruka, sa Hauge, skriv oddaavisa.