Til sjukehus etter ulukke
Ei kvinne i 50-åra vart send til sjukehus etter ei ulukke ved Eikedalen på Kvamskogen onsdag morgon.
Kvinna, åleine i bilen, køyrde tre–fire meter av vegen i samband med ei forbikøyring på ein slapsete fylkesveg. Ho kom seg ut av doningen og var medviten etter hendinga, men vart etter kvart send med ambulanse til sjukehus i Bergen, opplyser Vest politidistrikt på X.
Ho fekk førarkortet kverrsett etter ulukka, som hende på ei rett strekning mellom Eikedalen og Fossen Bratte på samnangersida av kommunegrensa.
Artikkelen held fram under annonsen.
Ulukka vart meld klokka 06.52. Naudetatane rykte ut.
