– Terapikutt er ikkje kutt

Det opplyste rådmann Anita Hesthamar på eit spørsmål frå Jostein Moldsvor (KrF) i heradsstyremøtet 14. november. Moldsvor indikerte nemleg i spørsmålet at det er føreslege å ta bort tenesta komande år.

Musikkterapien oppstod ifylgje rådmannen som eit tiltak for sårbare eldre i koronapandemien i 2021, som resultat av eit øyremerkt tilskot på 800.000 kroner. Desse pengane vart nytta over tid i perioden 2021–2024.

Lokalpolitikarane vedtok i økonomisk romslegare dagar enn i dag å vidareføra tilbodet i 2023 og 2024, med ei ramme på 450.000 kroner eller 60 prosent stilling. Men det er altså aldri føreslege løyvingar etter 2024.

Moldsvor hadde ikkje oppfylgingsspørsmål eller kommentarar til vitringa.