– Tende på og køyrde fort

Hendinga i Strandebarm fann stad ein novembermorgon i 2020. Ifylgje tiltalen skal mannen ha tent på tre bosdunkar saman med ein annan person. Det oppstod skadar på to lysmaster og eit kabelskap i tillegg til bosdunkane. Kostnaden med reparasjonane enda på over 100.000 kroner.

Mannen er også tiltala for ei rekkje brot på vegtrafikklova i og rundt Bergen, og for å ha hatt narkotika.

Ifylgje tiltalen skal han ha køyrt over fartsgrensa både i april og i mai 2020. Den siste gongen prøvde politiet å stoppa han ved hjelp av blålys og sirener, men utan hell. Han køyrde ifylgje tiltaleavgjerda på raudt lys, stoppa ved eit fotgjengarfelt og sprang frå staden til fots.

I slutten av april lyt mannen møta i retten.