– Telt er i vegen
Geir Madsen (SV) tek i miljø-, plan- og bygningsutvalet 26. september opp plastteltet ved Naboen pub i Norheimsund sentrum.
Publisert
Sist oppdatert
Han meiner teltet meir eller mindre sperrar Nistagato fysisk og visuelt.
– Teltet gjev ikkje noko estetisk løft til sentrum og ber preg av å vera mellombels. Mitt inntrykk er at teltet kan stå over lengre periodar. Dette er lite gunstig for handel og tilgjenge vidare innover i gata. Kva løyve gjeld for slike installasjonar? spør Madsen.
Annonse
Han meiner Kvam herad bør bidra til å utvikla Nistagato som eit attraktivt handle- og serveringsområde i samarbeid med næringsdrivande.
– Kva moglegheiter og verktøy har rådmannen for å gjennomføra eit slikt utviklingsprosjekt? spør han.
