Styret i Kvammabadet kan få to færre faste medlemer. Her frå eit møte i fjor. Frå venstre: styrelem Tor Inge Døsen, ordførar Torgeir Næss, styrelem Gry Svartveit og styrelem Reidun Skålheim Solberg.

Tek truleg inn ein varalem

Kvammabadet KF går truleg frå fem til tre styrelemer, pluss ein varalem.

Sigbjørn Linga
Bladstyrar
Publisert Sist oppdatert

Formannskapet støtta innstillinga frå rådmannen i saka i møtet onsdag 9. juni, bortsett frå at dei vil supplera med éin varalem. Varaordførar Frode Nygård (Frp) påpeika at det kan verta utfordrande dersom ein styrelem er sjuk.

Rådmann Anita Hesthamar vedgjekk at det kan verta sårbart utan ein varalem. Dessutan vil ikkje organet vera vedtaksført med berre to frammøtte i møta.

Jostein Ljones (Sp) sa at ein bør vera glad for at ein har hatt eit breitt styre med god kompetanse. Det sitjande styret har sagt seg villig til å halda fram til over sommaren.

Heradsstyret avgjer saka 15. juni.

nyhende kvammabadet kf kvam herad politikk
Laga med Labrador CMS