Takksam for hjelp

Det vert lys kring kyrkjene i både Norheimsund og Øystese i vinter. Som HF skreiv nyleg, har to privatpersonar gjeve 6.000 kroner i gåve til kyrkja for å sikra lys kring kyrkja i vintermånadene. Kyrkjeverja har nemleg sløkt lampar utan ledlys for å spara pengar.

Som om ikkje det var nok med gåva i Norheimsund, stiller no Øystese Grendautval opp for å betala for flaumlys kring kyrkja i Øystese.

– Begge delar varmar utruleg. No vert det lys kring vintermørke kyrkjer i begge bygder, skriv kyrkjeverje Olav Skeie Lid i ein e-post til HF.

Han konstaterer at kyrkja i Kvam har mange som bryr seg.